Зачленете се во нашиот клуб на читатели и најновите текстови ќе ги добивате на вашата мејл адреса
Уште недоправено почна да се уништува игралиштето на техничкото училиште „Наце Буѓони“ во Куманово.
Во текот на вчерашниот ден откако била поставена подлогата непознати лица ја оштетиле. За ова утринава информираше градоначалникот Максим Димитриевски, кој ги објави фотографиите и го осуди вандалското однесување на поединци, при што побара тие да се најдат и да се казнат.
- Тартан гумената подлога на надворешното игралиште во техничко училиште „Наце Буѓони“ во Куманово е уништено од страна на вандали во текот на вчерашниот ден веднаш по неговата изведба. Ќе ве пронајдеме кои и да сте, ќе одговарате, а ние ќе продолжиме да работиме. Дали така се однесувате и за сопствениот имот? Го осудувам овој вандализам, мораме сите заедно и одговорно да го сочуваме заедничкиот имот, апелирам до надлежните да ги пронајдат и санкционираат сторителите, - напиша Димитриевски на својот Фејсбук.
Општината неделава започна реконстрикција на три игралишта во средните училишта „Гоце Делчев“, „Перо Наков“ и „Наце Буѓони“ во Куманово, со средства обезбедени од заштеда во образованието.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk