Зачленете се во нашиот клуб на читатели и најновите текстови ќе ги добивате на вашата мејл адреса
Уништени се новите табли на теренот за кошарка кај спортската сала, кои неодамна ги постави Општина Куманово и КК Куманово.
На едната табла целосно недостига кошот, поточно обрачот и мрежата, а другиот е искривен и неговата мрежа е искината. Исто така и оградата на теренот е уништена.
„Обрачите се со федери, постои механизам кој спречува искривување при самото користење. Но, очигледно е употребена прекумерна сила и обрачите намерно се оштетени. Ќе поставиме нови обрачи, и се надеваме случајот ќе се расчисти од страна на надлежните,“ изјави Дарко Петковски, спортски директор на КК Куманово.
Тие исто така се надеваат дека спортските ентузијасти кои ги користат терените, во иднина ќе бидат и посовесни при чувањето и одржувањето на истите.
При замена на старите со нови, од управата на клубот потенцираа дека овие акции се спроведуваат единствено и само заради создавање на услови и поттикнување на младите да се занимаваат со спорт.
(Д.Д.)
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk