Зачленете се во нашиот клуб на читатели и најновите текстови ќе ги добивате на вашата мејл адреса
Едно лице е повредено во сообраќајна незгода на улицата „11 Ноември“ на влезот во населбата Бедиње.
Според СВР Куманово, сообраќајката се случила попладнево околу 17 часот кога автомобил удрил во три паркирани возила.
„Возачот С.И.(18) од с.Опае кој управувал ПМВ „Опел Зафира“ со кумановски регистарски ознаки изгубил контрола на возилото и удрил во три паркирани возила. По незгодата возачот С.И. бил пренесен во Ургентен Центар Куманово, а по укажаната лекарска помош му биле констатирани телесни повреди“, - соопштуваат од полицијата.
Од фотографиите што се споделуваат на социјалните мрежи може да се види дека едно од возилата е превртено на кров, а друго ја пробило оградата на надвозникот.
Од страна на СВР Куманово е извршен увид на лице место.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk