Зачленете се во нашиот клуб на читатели и најновите текстови ќе ги добивате на вашата мејл адреса
Откажани се културните настани кои беа закажани за вечерва во Куманово, откако Владата го прогласи Ден на жалоста во спомен на жртвите од разорните земјотреси во Турција и Сирија.
Во Центар за култура „Трајко Прокопиев“ вечерва требаше да се одржи концерт на Младинскиот оркестар, по повод денот на виното и љубовта во пресрет на утрешниот празник.
„Такви се околностите, сочуствуваме со жителите на погодените подрачја и го откажуваме најавениот концерт за вечерва. Се надеваме дека сите заинтересирани најавената програма ќе можат да ја проследат во наредниот период. Датумот за одржување ќе биде дополнително објавен“, изјави Сашо Тодоровски, директор на Центарот за култура.
Во Занаетчискиот дом, пак, требаше да се оддржи музичка вечер на учениците на Музичко училиште „Панче Пешев“ од Куманово, во организација на Фондацијата за култура и спорт на Општина Куманово.
„Концертот „Љубов за музиката“ го одложуваме за 21. февруари со почеток во 19 часот“, се вели во соопштението на Фондацијата.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk