Зачленете се во нашиот клуб на читатели и најновите текстови ќе ги добивате на вашата мејл адреса
Малолетник од село во Општина Старо Нагоричане, е лицето коешто клоцаше куче на игралиште во Куманово.
- Со малолетникот е извршен разговор, по што по целосно документирање на случајот ќе биде поднесена пријава, соопштуваат од МВР.
Видеото беше објавено на социјалните мрежи и се гледаше дека насилникот без причина клоца куче, кое преплашено бега, а негов пријател снима.
Откако започнаа јавните критики видеото и профилите на двајцата беа избришана, но тоа само предизвика поголем револт и споделување на снимката. Во полицијата беа поднесени три пријави.
Граѓаните побараа да се откријат и да се казнат насилниците за делото што го сториле, бидејќи само така ќе се стави крај на изживувањето врз недолжните животни.
За мачење на животни следува казна до една година затвор.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk