Отворен детскиот ликовен камп „АСНОМ“

Над 150 цртежи, графики и скулптури создадоа учесниците на годинешниов Детски ликовен камп АСНОМ, што веќе три дена се одржува на локалитетот Етно село.

На кампот учествуваат 32 деца од основните училишта од градот и 4 лица со интелектуална попреченост.

- Работевме најразлични теми. Јас сакам и професионално да се занимавам со ликовната уметност, бидејќи го сакам цртањето и уметноста, - вели Ана Крстиќ, од „Кочо Рацин“.

- Прв  пат учествувам ма ликовниот камп и могу ми се допаѓа. Јас го насликав заоѓањето на сонцето на тропски брег. Овде правевме релјеф и цртавме со акрилни бои, - рече Ивана Трпевска.

Кампот се организира по шести пат, а со децата на различни теми и техники работеа двајца ликовни педагози.

- Кампот трае 4 дена, а децата работат акрил на платно, графика, скулптура и дизајн. Ова се талентирани деца кои творат и се дружат. Сите создадоа по 5-6 дела, -изјави Симона Јакимовска, ликовен педагог.  

Денеска беше организирано свечено отворање на кампот, а воедно и посетителите имаа можност да видат дел од создадените дела.Кампот го отвори градоначалникот Зоран Дамјановски и директорот на Фондацијата за култура и спорт Нино Величковски.

- Суштината на овој камп е талентираните деца да се дружат и со своите метори да создадат ликовни дела. Ова е наш допринос за развој на културата и јас сакам да ви дадам целосна подршка. Куманово во минатото даде многу ликовни уметници кои се широко познати не само во Македонија туку и пошироко, - рече Дамјановски.

- Досега учествувале над 120 ученици од сите основни училишта во градот.  Од предходните изложби над 140 наслови во сите ликовни техники ги дониравеме на Порака наша, - рече Величковски.

Кампот завршува утре, а дечињата ќе ги понесат своите впечатоци и знање до наредната средба. Манифестацијата ја организира Фондација за култура со подршка ка општината Куманово.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk