Зачленете се во нашиот клуб на читатели и најновите текстови ќе ги добивате на вашата мејл адреса
Фото-кино клуб „Козјак“ – Куманово, денеска го објави конкурсот за фестивалoт на кратoк филм „ФИЛМАЈ“ за фестивалското издание во 2022 година.
На конкурсот можат да се пријават кратките филмови, играни и документарни (не и анимирани), со траење до 20 минути, не постари од 1 јануари 2018 година, преку платформите FilmFreeway и festhome до 20 март 2022 година.
Филмовите конкурираат за следниве награди:
- награда „Лазар Ѓорѓевиќ“ за најдобра режија
- награда „Радислав Ристевски“ за најдобра фотографија/кинематографија
- награда „Koзјак“ за најдобрo сценарио
- награда за најдобар македонски (домашен) филм
Автори кои сакаат да го пријават својот филм, на друг начин освен преку горенаведените платформи, може да пишат e-mail на [email protected] за да добијат инструкции за успешно аплицирање.
Резултатите од конкурсот ќе бидат објавени на 2 мај 2022, а фестивалот е предвиден да се одржи во Куманово на 27 мај 2022.
За најдобар македонски филм за минатата година на „ФИЛМАЈ“ беше прогласен „Неонски срца“ на Ана Јакимска, а прв добитник на истата награда беше филмот „Налепница“ на Георги М. Унковски на второто издание на „ФИЛМАЈ“ во 2020 година.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk