Отворена изложба од 52-та „Струмичка ликовна колонија“

Во Центарот за култура „Трајко Прокопиев“ синоќа беше отворена изложбата со дела од 52-та меѓународна „Струмичка ликовна колонија 2015“.

Се работи за 37 дела кои се работени во повеќе техники и тоа масло на платно, акрил, линорез, графика и слично.

Специфично е тоа што делата се инспирирани од струмичкиот крај и градот Струмица. Учествуваат 18 уметници од 4 земји. Изложбата ќе биде поставена се додека трае фестивалот “Денови на комедија“ односно до 18 октомври - рече Роберт Цветковски, историчар на уметност во Центарот за култура.

Гостувањето на оваа изложба се реализира во соработка со Центарот за култура “Антон Панов“ од Струмица.

Изложени се дела од авторите Васил Алачев, Богоје Анѓеловски, Ниче Василев, Валентин Георгиев, Ивана Горичова, Олга Ѓорѓевиќ, Лукаш Зедлевски, Марјан Ѕин, Гоце Илиевски, Александар Јанкулоски, Стефан Калапишев, Катерина Новаковиќ, Цвета Петрова, Никола Пијанманов, Пеџа Ракичевиќ, Анета Ивановска Симјановска, Александар Филев и Ванчо Христов.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk