Зачленете се во нашиот клуб на читатели и најновите текстови ќе ги добивате на вашата мејл адреса
Во селото Драгоманце, денеска беше отворена народна кујна. Бесплатни оброци ќе добиваат 30 корисника на социјална помош, семејства со повеќе деца и стари и болни лица кои живејат сами.
Храната ќе се подготвува и дели во ученичкиот дом во селото Драгоманце, а ќе се дистрибуира и на пункт во селото Алгуња, поради големата оддалеченост на населените места. Од Министерството за труд и социјална политика планираат да го зголеми бројот на корисниците на народната кујна, поради големата сиромаштија во најголем дел од населението во оваа рурална Општина. Во зимскиот период жителите се отсечени од цивилизацијата со месеци. Проектот се реализира со општината Старо Нагоричане. Ова е 38 кујна што ја отвара Владата за сиромашните семeјства во државата.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk