Зачленете се во нашиот клуб на читатели и најновите текстови ќе ги добивате на вашата мејл адреса
Полицијата, со цел да влијае на возачите да ги почитуваат сообраќајните правила и прописи и да го открие возењето со поголема брзина од дозволената, ги објави местата каде се користат радари.
Полициската станица за безбедност во патниот сообраќај во Куманово, радарот го користи на следниве локации:
– во градот на булеварите Октомвриска револуција и Трета МУБ, ул. 11 Октомври, ул. 11 Ноември, ул. Доне Божинов, ул. Никола Тесла.
– на магистрален пат М-2 куманово – Кр. Паланка на 7 – ми километар, м.в. Света Петка и с. Војник.
– На регионален пат кон Скопје кај с. Љубодраг и с. Умин Дол.
– На регионален пат кон Св. Николе кај с. Доброшане.
Поголем дел од возачите во Куманово не ги почитуваат сообраќајните правила и прописи. Сведоци сме на агресивно возење со неприлагодена брзина, поминување на црвено светло, непочитување на правото на пешачки премин, но и несовесни пешаци кои поминуваат каде ќе стигнат. Затоа секојдневно се случуваат сообраќајки, кои дел се со фатални последици.
Сите се согласни дека сообраќајната култура во градот е на многу ниско ниво, а проблемот ќе се реши само со санкционирање на прекршителите.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk