Зачленете се во нашиот клуб на читатели и најновите текстови ќе ги добивате на вашата мејл адреса
Културно-уметничкото друштво „Панче Пешев“ викендов настапи на 48. Меѓународен фолклорен фестивал „Илинденски денови“ во Битола, кој се одржува под закрилата на големото светско семејство CIOFF.
- КУД „Панче Пешев“ го претстави кумановскиот свадбарски обичај „Китење на младоженецот“. Настапот беше збогатен со изворниот оркестар, пеачката група и фолклорниот ансамбл, за што беше награден со громогласниот аплауз од публиката, - соопштуваат од друштвото.
На Меѓународен фолклорен фестивал „Илинденски денови“ во Битола, настапија и друштва од Јапонија, Полска, Хрватска, Србија како и од Македонија.
Фестивалот традиционално започна со дефиле низ Широк Сокак, а продолжи на ракометното игралиште пред многубројна публика од градот и дијаспората.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk