Зачленете се во нашиот клуб на читатели и најновите текстови ќе ги добивате на вашата мејл адреса
КУД „Панче Пешев“ од Куманово минатата недела учествуваше на Интернационалниот фолклорен фестивал во Велико Трново, Бугарија. Фестивалот траеше пет дена, а кумановските играорци одржаа повеќе концерти и ја пренесоа македонската култура и фолклор пред бугарската публика.
„Фестивалот се одржа во летниот театар во Велико Трново од 23 до 28 јули. Посетеноста беше одлична и публиката уживаше во настапите на гостите и домаќините. Членовите на КУД „Панче Пешев“ се вратија со многу позитивни впечатоци и нови пријателства. Културата, фолклорот, музиката и песната се тие кои ги зближуваат народите а фолклористите се покажаа како вистински амбасадори на нашата земја. На овоj фестивал учествуваме по трет пат“, вели Мирослав Крстевски, претседател на друштвото.
Фестивалот се одржаува по третпат, а учествувале групи од Египет, Мексико, Мароко, два ансамбла од Грузија, Турција, Македонија, како и повеќе ансамбли од Бугарија.
Играорците еден ден беа гости и на Меѓународниот фолклорен фестивал во Добрич.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk