Зачленете се во нашиот клуб на читатели и најновите текстови ќе ги добивате на вашата мејл адреса
Средното општинско училиште „Перо Наков“ од Куманово, заедно со уште три партнер училишта од Литванија, Полска и Романија ја реализираа третата предвидена мобилност како дел од проектот „Учење преку воннаставни активности “.
“Станува збор за образовен проект поддржан од Националната агенција за европски образовни програми и мобилност и програмата Еразмус плус. Проектот подразбира реализирање часови надвор од училница на еден поинаков и некласичен начин. Ваквото учење преку воннаставни активности дава можност на учениците и наставниците да ги развиваат своите комуникациски и професионални вештини и да ги прошируваат своите знаења“,- вели Фросина Милошевска, професор по македонски јазик и литература во СОУ „Перо Наков” .
Домаќин на третата обука беше училиште од Маков, Полска, на која присуствуваа ученици и наставници од Куманово.
„Бевме вклучени во интегрирани часови по повеќе наставни предмети, како полски јазик и литература, спорт, хемија, биологија, музика, историја. Часовите се реализираа надвор од училница, односно во галерија, музеј, спортски терени, парк , библиотека и други воспитно-образовни институции“, - додава Милошевска.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk