Пет кумановци каснaти од змија

 Пет жители од кумановско во последните три месеци побарале помош во Општа болница Куманово откако ги каснала змија.

Од инфективното одделение велат дека се работи претежно за повозрасни луѓе кои живеат на село, но во контакт со змија дошле и деца.

 Регистрирани се пет случаи од кои дел примиле антивиперинум серум во Брза помош, а потоа се донесени кај нас, а останатите се примени директно на нашето одделение. Има две деца, а останатите се повозрасни. Првото каснување беше во април, а последниот каснат е донесен вчера. Воглавно се луѓе од рурална средина и некои од нив се каснати од змии кои не се отровници. Во суштина сите се во многу стресна состојба и веднаш се јавуваат во Брза помош. Доволно работи стравот за да биде итна ситуацијата - вели Валентина Џартовска, началник на инфективното одделение.

Сите пациенти се сместуваат на одделението и примаат соодветна терапија.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk