Зачленете се во нашиот клуб на читатели и најновите текстови ќе ги добивате на вашата мејл адреса
Детската претстава „Трнорушка“ вечера ќе прослави пет години од премиерната изведба.
Претставата ќе се игра на големата сцена на Центарот за култура со почеток во 18 часот, а билетите се продаваат по симболична цена од 75 денари.
„Голем успех е еден локален театар да има претстава која опстојува и привлекува публика и по 5 години. Затоа ни е огромно задоволство да ја репризираме на 5 роденден и заедно со публиката да го прославиме. Со истата продукција продолжуваме и понатаму, во мај ќе гостува на реномиран фестивал во Бугарија“, истакна директорот Сашо Тодоровски.
Претставата ќе гостуваат на Меѓународниот фестивал за деца и млади во Трговиште, Република Бугарија, а досега е играна на фестивалот „Малиот принц“ во Штип, на сцената во Гевгелија, Крива Паланка, Прилеп и други места во државата.
До сега имале околу 30 изведби на „Трнорушка“, а и денеска се игра во оригиналната постава од премиерата- Владанка Крстевски, Сања Русеска, Жарко Јовановиќ, Марко Трајковиќ, Нина Максимова, Давид Илиќ и Владо Дојчиновски. Режијата е на Бојана Краљевска, сценографијата на Крсто Богојевски, текстот по адаптација на Зоран Зафировски, Дарко Илиевски работеше на костимите, а Александар Митрички ја обезбеди музичката поддршка.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk