Зачленете се во нашиот клуб на читатели и најновите текстови ќе ги добивате на вашата мејл адреса
Од ВМРО - ДПМНЕ денеска на прес - конференција обвинија дека на седница на Советот на општина Куманово е направен ребаланс на буџетот затоа што претходно се носеше “буџет на желби“.
Целосно скратени се парите за техничка документација за водоводна мрежа, изградба на водоводна мрежа, изградба на улици, изградба на троатоари, изградба и реконструкција на атмосферска канализација и за детски градинки. Од друга страна за Затворен градски базен се трошат 23.313.000 денари, а за гасификација 9.500.000 денари.
„Сите реални проблеми во општината, се занемаруваат и нивното решавање се одлага со образложение дека недостасуваат средства и дека општината е во криза, а како приоритет се трошат повеќе средства за базен од предвиденото за сите наведени ставки заедно. Граѓаните на Куманово можат со денови да бидат без вода, да се движат по калливи улици, без тротоари, и во 21 век да користат септички јами, со секој дожд улиците да се претвораат во поројни дождови, децата да одат во градинка во паралелки од 30 - 40 деца, ама за утеха по сето ова ќе можат да се искапат во Затворен градски базен за кој сите знаеме кога е почнат и со динамиката со која се гради на градоначалникот ќе му требаат уште неколку мандати да го изгради“ - кажа советникот Драган Петковски.
Тој вели дека ребалансот ги врати кумановци во реалноста која не е розова.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk