„Пинокио“ ќе игра по повод Меѓународниот ден на детето

По повод 20 ноември - Меѓународниот ден на детето, во театар Куманово во понеделник во 18 часот ќе игра претставата за деца „Пинокио“.

Претставата ќе се прикажува и на 26 и 27 ноември, во 11 и 12 часот. “Пинокио“ е работена според текст на Карло Колоди, а во режија на Бојана Краљевска.

Лагата на Пинокио има долг нос. Но, кога ќе ги запознае вистината, чесноста и искреноста, тој од дрвена кукла ќе стане вистинско момче. Необични дружења, многу песна и игра ќе го следат во неговите интересни доживувања - велат од Театар Куманово за претставата.

Актерската екипа ја сочинуваат Александра Михајловска, Владо Дојчиноски, Сања Русеска, Мартин Лазаревски, Кети Дончевска Илиќ и  Љупчо Хаџи – Стојанов.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk