Зачленете се во нашиот клуб на читатели и најновите текстови ќе ги добивате на вашата мејл адреса
Традиционалната манифестација „Пивтијада“ ќе се одржи утре, 19 јануари во ресторан „Грација“ во Куманово. Ова е 22-ро издание и досега се пријавени 12 натпреварувачи кои ќе подготвуваат пивтии, кои ќе ги оценува 5 члена комисија.
Минатогодишниот кум Даниел Стојчевски ќе го предаде кумството на новите кумови, а тоа е КУД „Панче Пешев“ од Куманово.
„Новите кумови, оркестарот и играорците на „Панче Пешев“ ќе изведат неколку точки, за да ги поздрават присутните. Подоцна забавата ќе продолжи со Милена и Марко, млади кумановски музичари добро познати на јавноста. Секогаш имаме голем одѕив, веќе се резервирани сите места и очекуваме 400 гости на забавата“, истакна Влајко Стојчевски, сопственик на ресторанот и еден од организаторите на манифестацијата.
Покрај „Грација“ во организација е вклучено и здружението Еко Гард, а под покровителство на Општина Куманово. Од локалниот буџет се издвоени 30 илјади денари за финансиска подршка на организаторите.
Забавата предвидува и ручек за сите присутни, цената на влезницата е 200 денари.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk