Планинарите од “Козјак 2013“ ќе освојуваат нови врвови

Членовите на планинарското друштво “Козјак 2013“ во наредниот период ќе се искачуваат на неколку планински врвови.

На 18 мај ќе учествуваат на планинарската манифестација “Планинарски крстосници“ на покана на друштвото “Скопска Црна Гора“ која ќе се оддржи на истоимената планина, а патеката е долга околу 20 км.

Планинарите на 25 мај ќе бидат дел од  33 - то искачување на Титов врв висок 2747 метри во организација на планинарско друштво „Љуботен“ од Тетово. Во почетокот на јуни тие ќе организираат искачување на Боботов Кук висок  2523 метри, на Дурмитор во Црна Гора.

Во меѓувреме ја посетуваат планина Козјак и се ангажирани за обележување и уредување на планинарските патеки.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk