Зачленете се во нашиот клуб на читатели и најновите текстови ќе ги добивате на вашата мејл адреса
Во Куманово е Чурим Долма Шерпа, жената која за една недела два пати се искачи на највисоката планина на светот, Монт Еверест.
Таа за своите достигнувања и своето искуство синоќа говореше пред дел од кумановските планинари.
„Кога се качив на Монт Еверест бев многу возбудена и среќна што сум на врвот на светот и ги видов сите планини надолу. На првото качување имаше магла и облаци и не можевме да се задржиме на врвот, а при второто качување времето беше прекрасно, но ладно и ветровито “– вели Чурим Шерпа.
Во мај 2012 година таа се искачи два пати на Монт Еверест од две различни страни. Првото искачување го направи на 12 мај, а второто само седум дена подоцна на 19 мај, со што стана првата жена во светот на која што и успеал ваков подвиг. За остварениот успех доби признание и од Гинисовата книга на рекорди.
Шерпа ја посетила Шар Планина, а до крајот на оваа година повторно планира да дојде во Македонија.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk