„Планинско чудо: Неочекувано пријателство“ се прикажува во Куманово

Филмот „Планинско чудо: Неочекувано пријателство“, во режија на Тобијас Виман, од вечерва (08.06.18) во 20 часот ќе се прикажува во Центарот за култура „Трајко Прокопиев“.

Станува збор за филмска приказна, која минатата година се стекна со специјално признание на Берлинскиот филмски фестивал во категоријата на семејни филмови, а истата е изработена во германско-италијанска копродукција.

Филмската содржина, ја прикажува животната приказна на една девојка која, боледувајќи од астма, запознава пријател со кој тргнуваат во планинска авантура.

Улогите ги толкуваат: Денис Мошито, Сузан Борман, Јасмин Табатабаи, Миа Касало, Самуел Џирарди.  

 Филмот е добитник на 11 награди.

 Билетот чини 100 денари, може да се купи во билетарата на Центарот за култура „Трајко Прокопиев“.

Филмот истовремено се прикажува низ шест киносали во Македонија.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk