Плинска боца и бојлер предизвикале пожар во две куќи во Куманово

Две куќи се опожарени во текот на вчерашниот ден во Куманово.

Првиот пожар е предизвикан од експлозија на плинска боца во семејна куќа на ул. Народва Револуција. Интервенирано е во
10,20 часот со 1 противпожарно возило и 5 пожарникари. Огнот зафатил една соба од објектот при што е направена материјална штета. Пожарот е локализиран и завршен во 11.20 часот.

Вториот пожар настанал од запален бојлер во семејна куќа во с. Черкезе. Пријавен е во 16,25, а изгаснат е во 17,25 часот. Било интервенирано со 1 возило и 5 пожарникари . Пожарот ја зафатил и оштетил и кровната конструкција на објектот.

Причините како и висина на материјалната штета и во двата случаи допрва ќе се утврдува.

(фото.архива Кумановоњуз)

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk