Зачленете се во нашиот клуб на читатели и најновите текстови ќе ги добивате на вашата мејл адреса
Драги Јовановски-Дедо, борец и истакнат општествено политички работник, почина денеска во Куманово на 93-годишна возраст, објави семејството.
Роден е во Куманово на 1.10.1927 година, од рана младост, поточно на 15 годишна возраст се приклучил на Револуционерното движење во кумановската гимназија, а во 1943 година заминал во партизани на планината Козјак.
По ослободувањето извршува повеќе општествено политички функции, а еден мандат e претседател на Собранието на Куманово, функција на денешен градоначалник. Бил член на ЦК на КПМ, директор на фабриките „Жито-мел“, „Киро Фетак“, „Печатница“, началник на Фондот за здравствено и пензиско осигурување Куманово, СВР Куманово и секретар на Општина Куманово.
По пензионирањето, член е на главниот одбор на Сојуз на борци на Македонија и член на претседателството на Сојуз на борци на Куманово.
Драги Јовановски- Дедо ќе биде погребан утре во 13 часот на градските гробишта во Куманово.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk