Зачленете се во нашиот клуб на читатели и најновите текстови ќе ги добивате на вашата мејл адреса
Слаѓан Лазаревски (31) од Куманово, кој минатата сабота беше прегазен од автомобил на улицата Драган Стопаревиќ, денеска попладне им подлегнал на повредите.
Настраданиот Лазаревски во саботат наутро во 3.15 часот тргнал на работа во бурекџилница, кога на стотина метри од неговиот дом бил прегазен и оставен неколку часа да лежи на тротоарот. Го пронашол случаен минувач, кој повикал Итна помош. Поради сериозноста на повредите на главата и на градниот кош, Лазаревски е префрлен во Ургентниот центар во Скопје. Таму 9 дена е приклучен на апарати и воопшто не се освестил.
Осомничен за прегазувањето на Лазаревски е градоначалникот на Старо Нагоричане. Тој истото попладне по несреќата, е приведен во полицијата, и против него се поднесени две кривични пријави за тешки дела против безбедноста на луѓето во сообраќајот и неукажување помош на лице повредено во сообраќајна незгода.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk