Зачленете се во нашиот клуб на читатели и најновите текстови ќе ги добивате на вашата мејл адреса
Директорот на Управата за унапредување на јазиците на заедниците, Милутин Станчиќ, на учениците од основното училиште „Светозар Марковиќ“ во Старо Нагоричане им подари пакетчиња по повод празникот „Свети Сава“.
Подароци со играчки и слатки добија 54 ученици од прво до петто одделение.
„Многу сме благодарни што во Општината Старо Нагоричане и во училиштата по долги години наидовме на отворена врата за соработка. Планираме во наредниот период да ја интензивираме соработката и да помогнеме во подобрување на наставниот процес во изучување на српскиот јазик. За таа цел ќе организираме семинар во Педагошкиот факултет во Врање за наставниците од предметната настава и одделенските наставници од училиштата“, - изјави директорот Станчиќ.
Во петок (9 февруари) училиштето „Светозар Марковиќ“ ќе го посети познатиот поет за деца и возрасни Власта Цениќ и на учениците ќе им подари книги, а ќе се организира и поетско читање. Планирана е посета и на училиштето „Браќа Рибар“ во Табановце.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk