Поднесени 14 барања за проценка на штети

Во архивата на општина Куманово се поднесени 14 барања за проценка на штети, од поплавите кои го зафатија Куманово на 11 октомври.

Барања поднеле жители на улицата “Никола Тесла“ и од месната заедница Јоско Илиевски.

Штетите се однесуваат за поплавено земјоделско земјиште, куќи и помошни простории. Понатаму продолжуваме со стандардна процедура како при секоја поплава“- рече Цоки Ристовски, претседател на комисија за проценка на штети при општина Куманово.

Откако ќе заврши увидот на терен, ќе се направи извештај кој ќе треба да помине на седница на Советот на општина Куманово. Потоа извештајот ќе биде доставен до Владата за исплата на штети.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk