Поднесени 4000 барања за легализација на дивоградбите

04.08.2011 15:58 | KumanovoNews

 Од Секторот за урбанизам и комунални дејности во Општината досега се поднесени околу 4000 барања за легализација на бесправно изградените објекти, или помалку од една третина од вкупниот број на регистрирани дивоградби во градот.

Поднесени 4000 барања за легализација на дивоградбите

 Од општината велат дека бројката не е задоволителна, со оглед на тоа што останува уште еден месец до завршување на законскиот рок, предвиден за поднесување на барањата.

 Граѓаните не мора да ја поседуваат целокупната документација,потребно е да се достави барање, фотокопија од документ за идентификација,додека елаборатите ако се во фаза на подготвување,ќе ги достават подоцна до Секторот за урбанизам, вели раководителот на секторот, Лидија Ланг Спасовска.

Општината има формирано четири комисии кои секојдневно излегуваат на терен и согласно законската процедура ги евидентираат пријавените објекти за подоцна да добијат урбанистичка согласност и решение за легализиран бесправно изграден објект.

Комисијата разгледала повеќе од половина од пристигнатите барања и досега издала над 300 решенија. Од Секторот се надеваат дека интересот за легализација ќе се зголеми во текот на август. Во Куманово има регистрирано оклу 13 000 беспарво изградени објекти, а најголем дел од дивоградбите во Куманово се лоцирани во населбите Пуковско, Ајдучка чешма, Циглана, Железничка Станица, кај Градскиот Стадион и другите населби.

Advertisement

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk