Поевтини горива од вечерва на полноќ

Еуросупер бензинот од 98 октани, од вечерва на полноќ се намалува за 2,5 денари за литар, а Еуросупер БС 95, дизел горивото и Екстра лесното масло за горење за 2 денари, одлучи регулаторот.

Кај мазутот намалувањето е 1,041 денари за килограм, а целокупниот пад на цените е 2,85 проценти.

Највисоките малопродажни цени на нафтените деривати и горива за транспорт, изнесуваат:

- Моторен бензин - ЕУРОСУПЕР БС - 95 - 74,00 (денари/литар)

- Моторен бензин - ЕУРОСУПЕР БС – 98 - 76,00 (денари/литар)

- Дизел гориво - ЕУРОДИЗЕЛ БС (Д-Е V) - 66,50 (денари/литар)

- Масло за горење - Екстра лесно 1 (ЕЛ-1) - 66,50 (денари/литар)

- Мазут М-1 НС - 38,965 (денари/килограм)

На референтните светски берзи поевтинија сите нафтени деривати по што е извршено прилагодување на цените и на домашниот пазар.

Ова е втор пад на цената на нафтените деривати неделава, откако во понеделникот беа намалени за 0,5 денари. 
    

 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk