Поевтинуваат бензините од полноќ

Бензините од полноќ поевтинуваат за 1,5 односно 2 денари по литар, додека дизелот е поевтин за половина денар, одлучи денеска Регулаторната комисија за енергетика.

Малопродажната цена на „еуросупер БС“ од 95 октани ќе изнесува 61 денар, додека „еуросупер БС“ од 98 октани ќе изнесува 63 денари.

Новата цена на „еуродизелот“ ќе биде 49 денари, а на екстра лесното масло за домаќинство 37,50 денари. За 1,125 денари поскапува килограм мазут М - 1 НС и ќе чини 22,913 денари.

Како што соопшти Регулаторната комисија за енергетика корекците се извршени врз основа на просечната цена на суровата нафта на светскиот пазар во изминатите две недели и курсот на доларот.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk