Зачленете се во нашиот клуб на читатели и најновите текстови ќе ги добивате на вашата мејл адреса
Подобрување на социјалната заштита и решавање на проблемите на ранливите категории граѓани во општина Куманово, најави Ивица Костовски од ЛДП, кандидат за советник на советничката листа на коалицијата на СДСМ.
„Ќе се залагаме за помош и поддршка на децата на самохрани родители, адаптирање на постоечките објекти за децата со пореченост, стручно усовршување на кадарот во детските градинки и зајакнување на педагошко-психолошките служби во овие установи. Истовремено ќе се адаптираат постоечките објекти на лицата со попреченост со пристапна инфраструктура, социјална инклузија, сервисна служба, подршка на постоечките дневни центри и мали групни домови“, - истакна Костовски.
Тој додаде дека со помош на Министерството за труд и социјална политика планирано е да се отвори народна кујна, дневен престој за децата од улица, мобилни тимови за посета на стари и болни лица и отварање на Дневен центар за лица со церебрални парализа.
„Во процедура е изработка на нов закон за социјална заштита кој предвидува многу поволности за сите граѓани, кои се во незавидна положба и социјален ризик. Нашата цел е сите граѓани да имаат основни средства за егзистенција и достоинствен живот“, - додаде Костовски.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk