Поголеми плати за вработените во здравството

Лекарите, медицинските сестри, здравствените соработници, младите лекари специјализанти и помошно техничкиот персонал од февруари ќе добијат зголемени плати, најави министерот за здравство Венко Филипче.

„Има зголемување од 20 отсто за наставниот кадар, за лекарите специјалисти ширум државата е предвидено зголемување од 25 отсто, општите лекари – 15 отсто, медицинските сестри – 10 отсто, здравствените соработници – 5 отсто и исто толку проценти за помошно техничкиот персонал“, изјави Филипче.

Тој исто така додава и дека дежурствата, во овој момент се зголемени за 3-4 пати, а од февруари ќе бидат зголемени за 4-5 пати и дека на некои клиники заедно со дежурствата платата сега достигнува до 100.000 денари,  а дека од февруари на сите клиники платата ќе биде 100.000 денари.

Оваа одлука била донесена откако Министерството за здравство и Самостојниот синдикат за здравство, фармација и социјална заштита и Синдикатот на Клинички центар постигнале договор за анексите на двата колективни договори, кој е потпишан неколку дена пред почнување со работа на техничката влада.   

    Министерот вели дека ова зголемување на платите е трето во последните две години, а четврто доколку се вклучи и зголемувањето на процентите за дежурства.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk