Помош за завеаните села

 Скопската Општина Илинден обезбеди помош за семејствата во завеаните планински села во Општината Старо Нагоричане.

Градоначалникот Жика Стојановски вчера донесе 2,5 тони брашно, сточна храна, зејтин, шеќер, кафе и други намирници за жителите во селата Малотино и Мгленце.

Општината Илинден е голем пријател на нашата Општина, и по иницијатива на мојот колега Стојановски е спроведена оваа акција. Тој во соработка со фирмите во неговата Општина ја обезбедил помошта, која е од непроценливо значење за жителите на овие две села, бидејќи резервите со храна им се при крај, а и храна за добитокот речиси немаат- изјави градоначалникот Миодраг Јовановиќ.

Помошта во Малотино е поделена, а  во Мгленце ќе  се дели кога ќе се пробие патот. Ова е прва помош на жителите во завејаните планински села од како фати невремето.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk