Поплавено земјиште во неколку кумановски села

Обилните врнежи од дожд го зголемија водостојот на реките во североисточниот регион што предизвика поплави на земјоделското земјиште во неколку села.

 Од излевањето на Крива Река поплавени се ниви на Клечовско стопанство во селото Клечовце и мал дел во Јачинце. Во селото Довезенце нема поплави на земјиштето, освен што водата го однела импровизираниот мост на реката што го поврзува селото. Дел од жителите на селото се отсечени од градот.

 Во Општината Старо Нагоричене излевања има во селата Добрача и Драгоманце. Меморијалниот центар не е зафатен со вода.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk