Поплавите ќе ги уништат посевите со жито

Поплавите кои деновиве го зафатија кумановско ќе ги уништат посеаните житарици, велат агрономите.

Поплавено беше земјоделско земјиште во селата Шупли Камен, Довезенце, Јачинце, Клечовце, Пчиња и други.

“Онаму каде водата брзо се повлекла не е страшно, но ако водниот талог се задржи ќе доведе до гниење на посеаните житарици. Семето кое е посеано ќе угине во тињата. Во кумановско најпогодени ќе бидат житариците, бидејќи раноградинарските култури подоцна се расадуваат. На пролет може да се засади пченка, но за житата е доцна“ - вели Милан Ванчевски, агроном.

Според експертите, честите поплави последниве неколку години се резултат на климатските промени.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk