Зачленете се во нашиот клуб на читатели и најновите текстови ќе ги добивате на вашата мејл адреса
Жителите од високата зона минатата недела имаа проблем со водоснабдувањето поради расипаните пумпи за вода кај Митев мост
ЈП „Водовод„ викендов ги отстани дефектите на водоводната мрежа, кои предизвикаа недостиг на вода во повисоките зони на градот. Според директорот Горан Стојковски, проблем биле пумпите за вода и доводната цевка, преку кои се обезбедува вода за повисоките делови на градот и приградските населби.
Наши екипи двa дена работеа на поправка на пумпите, но поради големиот притисок, пукаше доводната полиетиленска цевка. Во ФЗЦ „11 Октомври„ изработија 10 метарска челична цевка, која за викенд е сменета и од вчера водоснабдувањето во високите зони е нормализирано - изјави директорот Стојковски.
Поради проблемите на пумпите неколку дена без вода целосно останаа жителите на населбите Карпош и Перо Чичо, додека во другите делови на градот вода имало повремено.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk