Во Кумановската болница ќе започнат офтамолошките прегледи за идните првачиња

 Во Општа болница Куманово  наредната недела ќе започнат офтамолошките прегледи кои се неопходни заради запишување на првачињата во училиште.

„Со цел да се избегнат гужви и да се изврши навремена услуга за сите дечиња, оваа година редовните прегледи за идните првачиња ќе започнат од 18 март 2024 година. Прегледите се вршат со упат од матичните лекари до Офталмолошка амбуланта за скрининг на првачиња“, велат од Кумановската болница.

Уписите на првачињата ќе траат од 1 до 31 мај. Во новата училишна година 2024/2025 се запишуваат децата родени од 1 јануари 2018 година до крајот на декември истата година.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk