Пороен дожд го зафати Куманово

Пороен дожд проследен со грмежи го зафати Куманово околу 15 часот.

Според Управата за хидрометеоролошки работи (УХМР), локална нестабилност со пороен дожд и грмежи има во западните и североисточните делови од земјава. Поизразени јадра има и во регионот на Кратово и Крива Паланка. Движењето на процесите е слабо и со правец од североисток кон југозапад.

Во наредните часови и понатаму ќе биде нестабилно во западните делови, како и во источните планински подрачја и во овие делови ќе има појава на пороен дожд, локално со умерен интензитет и грмежи.

До крајот на денот краткотраен пороен дожд со грмежи ќе има и во делови од скопското подрачје.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk