Пороен дожд во Куманово

Силен дожд проследен со ветер и електрични празнења го зафати Куманово по 15 часот.

 Невремето траеше кратко, по што ветрот се смири, а продолжи да паѓа пороен дожд повеќе од половина час. Улиците во централното градско подрачје беа поплавени од големите количини на вода.

Метеоролозите најавија дека времето претпладне ќе биде сончево со умерена облачност, а во попладневните часови нестабилно облачно со пороен дожд, грмежи и засилен ветер. Не е исклучена и ретка појава на невреме со град. Температурите од 12 до 20, а макс. од 28 до 36 степени.

Во вторник ќе преовладува променливо облачно и нестабилно време со врнежи од дожд и грмежи, особено во првата половина од денот во западните делови, каде се очекува да наврнат над 25л/м2. Дневната температура ќе се движи од 24 до 32 степена. Од среда ќе биде претежно стабилно со постепен пораст на температурата.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk