Поскапе лебот и јогуртот

 Од денеска во продавниците во Куманово лебот се продава по повисоки цени од 2 до 7 денари во зависност од производителот.

Пекарата „Златен клас„ ја покачила цената на белиот леб од 23 на 27 денари, „Жито Вардар„ Велес од 25 на 27 денари, а најмногу отишле со цените две скопски пекарници кои лебот од 18 денари го покачиле на 25 денари и „Жито Скопје„ Силко, лебот на кришки од 23 до 30 денари. Најефтина е векна на црн леб кој се продава по 25 денари, а граѓаните намногу го барале.

Нашите потрошувачи од утрово се шокирани кога разбраа за новите цени. Сите се жалат на скапотијата, но немаат што да прават и купуваат. Се расправаат со нас како ние да сме виновни - велат продавачките во еден суперматкет.

Од денеска и јогуртот на производителот „Олми„ поскапел за цели 8 денари, и сега литар јогурт наместо 40 се продава по 48 денари.

И другите производители најавиле поскапување на нивните производи.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk