Зачленете се во нашиот клуб на читатели и најновите текстови ќе ги добивате на вашата мејл адреса
Литар Еуросупер БС- 95 и 98, дизелот и екстралесното масло за домаќинство поскапуваат за денар. Истовремено килограм мазаут поскапува за половина денар.
Регулаторната комисија за енергетика донесе одлука за зголемување на малопродажните цени на нафтените деривати во просек за 1,71%. Од полноќ, литар Еуросупер БС- 95 и 98, дизелот и ектралесното масло за домаќинство поскапуваат за денар. Истовремено килограм мазаут поскапува за половина денар.
Малопродажната цена на Еуросупер БС-95 ќе изнесува 67,50 ден/лит, малопродажната цена на Еуросупер БС-98 изнесува 69,50 ден/лит, малопродажната цена на Еуродизелот изнесува 60,50 ден/лит, додека малопродажната цена на екстра лесното масло за домаќинство (ЕЛ-1) изнесува 49,00 ден/лит.
Причина за корекциите се растот на берзанската цена на суровата нафта во изминатите 14 дена за 4,54%,како и понискиот курс на доларот во однос на денарот за 1,44%.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk