Поскапуваат бензините за еден денар, дизелот за половина денар

Бензините поскапуваат за 1 денар, а дизел и екстра лесното масло за половина денар од вечерва на полноќ, одлучи денеска Регулаторната комисија за енергетика.

Во просек зголемувањето на цените е за 1 посто, во однос на досегашните цени, кои стапија на сила пред една недела.

Највисоките малопродажни цени на нафтените деривати и горива за транспорт, изнесуваат:

- Моторен бензин - ЕУРОСУПЕР БС - 95 - 84,00 (денари/литар)

- Моторен бензин - ЕУРОСУПЕР БС – 98 - 86,00 (денари/литар)

- Дизел гориво - ЕУРОДИЗЕЛ БС (Д-Е V) - 77,00 (денари/литар)

- Масло за горење - Екстра лесно 1 (ЕЛ-1) - 75,50 (денари/литар)

- Мазут М-1 НС - 48,634 (денари/килограм)

Референтните цени на нафтените деривати на светскиот пазар во споредба со претходната пресметка бележат зголемување, па тоа е причината за усогласувањето на цените со движењата на гобалната берза.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk