Зачленете се во нашиот клуб на читатели и најновите текстови ќе ги добивате на вашата мејл адреса
На темелите на стара црквичка на м.в. „Падина“ во близина на селските гробишта започна изградба на новата црква во кумановското село Клечовце. Камен темелникот и осветувањето на црквата, која што ќе носи името „Св. Ѓорѓи Победоносец“, е поставен вчера во присуство на свештеници од Кумановско-Осоговската епархијата.
Црквата ја гради ктиторот Драган Нешевски мештанин од селото, со поддршка на сожителите, но и од сите други добронамерници и христијани.
„Очекуваме дека ќе се приклучуват многу луѓе, со донации, парични средства и градежен матријал. Се надеваме дека ќе помогне и Општина Куманово. Секоја донација е добредојдена за побрзо завршување на црквата. Со господ напред, да се надевеме дека што поскоро овде ќе има многу венчавки и крштевки“, велат жителите на Клечовце.
Името на светецот е земено од предходната црква, а и темелите се на местото кај што била поранешната црква.
„Немаме точен податок кога таа црква е изградена и урната, но претпоставуваме дека е од турско време. Останале само ѕидови во висина од еден метар до земјотресот во 1963 година кога е срамнета со земја. Но, крстот од камен и ѕидовите беа видливи и со години се правеа напори за возобновување на светиот храм. На местото постоеше мала црквичка која била изградена привремено до урнатините, ама никогаш не била осветена и покрај тоа што мештаните тука ги правеле сите обреди“, вели Катерина Нешевска.
По кажувањето на старите жители првата црква била изградена од Цар Милутин во исто време кога и црквата „Св. Ѓорѓи“ во Старо Нагоричане.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk