Потврдите за платени казни од „Безбеден град“ не треба да се носат во полициска станица, велат од МВР

Министерството за внатрешни работи ги известува граѓаните дека потврдите за платените санкции од сообраќајниот систем „Безбеден град“, кои се уплатени во банка или електронски, нема потреба да ги носат во полициска станица.

„Системот на МВР автоматски е поврзан со системот на Министерството за финансии. Граѓаните се должни при уплатата правилно да ја пополнат уплатницата, согласно правната поука на записникот. Тоа значи дека треба точно да го внесат единствениот број од записникот во делот ‘повикување на број’ и ‘цел на дознака’“, соопшти МВР.

Оттаму апелираат граѓаните да не ја носат потврдата за платената санкција во полициска станица, со цел да заштедат време и да се избегнат непотребни гужви.

 

2008 - 2026 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk