Повреден малолетен пешак на улицата „11 Ноември“

 Тешко е повреден малолетен пешак додека се движеп на улицата „11 Ноември“ во Куманово. 

Несреќата се случила вчера во 15.10 часот, кога патничко моторно возило “цитроен“ со кумановски регистарски ознаки, управувано од Т.С.(69) од Куманово, удрило во пешакот од Куманово. 

„Во несреќата пешакот се здобил со тешки телесни повреди констатирани во Општата болница во Куманово. Извршен бил увид од увидна екипа од СВР Куманово“, соопшти МВР.

Само пред 3 дена на истата улица беше прегазен велосипедист, кој им подлегна на повредите.

„На ул.„11 Ноември“ во Куманово, товарно возило „фусо“ со скопски регистарски ознаки, управувано од Ж.Ќ.(48) од Скопје, удрило во велосипед управуван од И.М.(81) од с.Лопате, кумановско“, соопшти тогаш МВР.

По укажаната помош во болницата во Куманово, повредениот бил пренесен во Комплексот клиники „Мајка Тереза“ во Скопје, каде што починал.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk