Зачленете се во нашиот клуб на читатели и најновите текстови ќе ги добивате на вашата мејл адреса
Голем пожар попладнево избувна на територијата на селото Слупчане, Општина Липково, при што зафати сува трева и нискостеблеста шума.
Интервенцијата започна во 15:30 часот, со ангажман на две противпожарни возила и шест пожарникари од ТППЕ Куманово.
Од 16:00 часот, во гаснењето на пожарот се вклучија и два тима на ЈП „Национални шуми“ – Подружница Куманово, со едно противпожарно возило, едно теренско возило и осум вработени. Екипите сè уште се на терен и активно работат на локализација и целосно гаснење на пожарот.
„Ситуацијата се следи внимателно и сме во постојана координација со сите надлежни институции. Доколку има потреба, ќе биде ангажирана и воздушна поддршка или дополнителна помош“, соопшти Центарот за управување со кризи (ЦУК).
(Фото. Архива)
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk