Зачленете се во нашиот клуб на читатели и најновите текстови ќе ги добивате на вашата мејл адреса
Во текот на вчерашниот ден имало пожари во селата Пчиња, Матејче, Сув Ора, Старо Нагоричане и Младо Нагоричане.
Територијалната противпожарна единица Куманово бележи интервенција од 14.35 до 17.20 часот во селото Пчиња, на место викано Ристово трло, на опожарена сува трева со непозната површина.
Во 16.05 часот полицијата во село Матејче и вработен од Шумско стопанство го известиле Регионалниот центар за управување со кризи, дека гори запалена нискостеблеста шума, во атарот на селото.
Во атарот на село Сув Ора интервенирано е од 18.25 до 20.20 часот на запалена сува трева, но податоци за опожарена површина нема.
Во маалото Бели грамади во Старо Нагоричане гореше сува трева и пожарот е локализиран од 23 до 00.30 часот.
Во село Младо Нагоричане во маалото Беломарци гореше нискостеблеста шума и трева , и пожарот ТППЕ Старо Нагоричане го изгасна со 1 возило и 2 пожарникари од 3 часот наутро до 4.30 часот.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk