Пожарникари евакуираа деца од градинка

 Во пресрет на Денот на пожарникарите, денеска во градинаката „Ангел Шајче“, кај спортската сала беше организирана тактичко-показна вежба за евакуација на деца во случај на пожар.

Децата беа евакуирани и спасени од огнена стихија за три минути.

„Акцент беше ставен на спасување на деца од предучилишна возраст. Искрено се надеваме дека нема да дојде, до ваков случај, но ние мора да бидеме подготвени. Вежбата помина беспрекорно“-изјави Деан Илиевски, командир на ТППЕ Куманово

„Денешната вежба е доста корисна и едукативна и за децата, но и за сите вклучени во реализацијата“, рече претседателот на општинскиот противпожарен сојуз Часлав Јовановиќ.

 Градинката „Ангел Шајче “ е прва градинка во државата во која се изведува ваква показна вежба.

 Вежбата само навидум изгледа лесно, иако,  претходно се изготвени елаборати,правилници, протоколи на кој начин секој треба да постапува во таква состојба, - рече директорката Марина Алексовска.

Вежбата беше реализизирана од преставниците на територијалната противпожарна единица Куманово, општинскиот противпожарен сојуз, претставници на територијалната противпожарна единица Куманово, екипите на Црвениот крст, Дирекцијата за заштита и спасување, претставници од Отсекот за превенција од СВР Куманово и од противпожарниот сојуз на Македонија.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk