Зачленете се во нашиот клуб на читатели и најновите текстови ќе ги добивате на вашата мејл адреса
Кумановец утринава паднал во полуподземен контејнер на ул. "Октомвриска револуција", по што интервенирала Противпожарната служба во Куманово да го извади.
Човекот не е повреден, сам се искачил по противпожарните скали кои му ги спуштиле за да излезе. Во добра физичка состојба си заминал дома.
„Ова е прва таква интервенција да вадиме човек од полуподземен контејнер. Се работи за собирач на пластични шишиња и лименки, како се случило да падне не знам. Наместивме скали и самиот се искачи, немаше потреба ние да го вадиме. Целата интервенција не траеше повеќе од 20 минути“, кажа пожарникарот Даниел Илиевски, кој учествувал во акцијата.
Откако човекот паднал во контејнерот и видел дека не може да излезе, почнал да вика за да привлече внимание кај случајните минувачи. Го пронашла жена која дошла да фрла ѓубре и ги повикала пожарникарите. Во меѓувреме останале со него до пристигање на екипата.
Полуподземните контејнери имаат висина од најмалку 1,8 метри и зафатнина од 5,5 м3, но собирачите на пластика постојано го вадат сметот и го расфрлуваат околу контејнерите, на што се жалат жителите и надлежните од ЈП „Чистота“.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk