Зачленете се во нашиот клуб на читатели и најновите текстови ќе ги добивате на вашата мејл адреса
Поради велосипедски трки, кои се дел од Европската младинска олимпијада во Куманово, денеска ќе има прекин на сообраќајот на регионалните патишта Куманово - граничен премин Пелинце и Куманово - Свети Николе. Известувањето стигна од АМСМ.
„На 22. јули во време од 08:00–16:00 часот ќе биде обезбедувана велосипедска трка ХРОНО, при што сообраќајот на регионалниот пат граничен премин Пелинце на потегот од раскрсницата за с. Драгоманце до Меморијалниот центар АСНОМ во с. Пелинце ќе биде запрен.
Исто така, истиот ден вторник во време од 08.00–17.00 часот ќе биде обезбедувана велосипедска трка МОУНТАИН БАЈК (тренинг), при што сообраќајот на патот во с. Доброшане на регионалниот пат за Свети Николе до местото викано Студена Вода ќе биде запрен.
Повремено затворање на регионалниот пат Куманово – граничен премин Пелинце е планирано и за наредните три дена. (22.7, 23.7 и 24.7.)“, соопшти АМСМ.
(фото. архива Кумановоњуз)
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk