Зачленете се во нашиот клуб на читатели и најновите текстови ќе ги добивате на вашата мејл адреса
Претседателката на Советот на Општина Куманово, Атина Мургашанска, ја прекина денешната седница, поради отсуството на градоначалникот Максим Димитриевски, кога на дневен ред дојде Предлог – Одлуката за избор на најповолна понуда за воспоставување на јавно-приватно партнерство помеѓу јавен и приватен партнер, заради модернизација и одржување на системот на јавно осветлување во Општина Куманово.
На советниците им беше дадена получасовна пауза, но откако градоначалникот не се појави на продолжението, седницата беше прекината.
„Сметам дека оваа точка треба да се разгледува во присуство на градоначалникот, кој е предлагач, но бидејќи не го озбезбедивме неговото присуство, седницата ја прекинувам, а дополнително ќе бидете известени кога ќе продолжи, - изјави Мургашанска.
Предходно беа усвоени предлозите за давање согласност на изменување и дополнување на годишните планови за вработувања во 2019 и 2020 година, како и утврдување на вредноста на бодот за платите на вработените во детската градинка „Ангел Шајче“ – Куманово, и две точки од областа на урбанизмот.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk